Vantar þig aðstoð á þínu andlega ferðalagi?

Það kemur sá tími í lífi margra að vakna andlega og því fylgir sannarlega þörf á að endurskoða lífið og hvernig við lifum því.

Ég trúi því að allir eigi jafna möguleika á að líða vel og vera hamingjusamir með þá stefnu sem þeir hafa í lífinu en af eigin reynslu veit ég að við þurfum stundum einhvern til þess að leiða okkur áfram, fá aðra vinkla á upplifanir okkar og tól til þess að stíga inn í það verkefni sem okkur þykir of erfitt til að takast á við ein/n. Andlega ferðalagið mun seint teljast auðvelt og ef það vill svo til að þú ert ein/n af þeim sem stendur á tímamótum í þínu lífi eða vantar einhvern til þess að leiða þig í gegnum erfið tímabil þá ert þú á réttum stað. Sjálf hef ég gríðarlega reynslu á bakinu í andlegri vinnu og hef lokið vissum kafla sem gerir mér kleift að fá enn betri innsýn í ferðalag einstaklinga og hvað gagnast þeim best á þeirra lífsgöngu. Ég vinn með fjöldan allan af meðferðum sem allar miða að því að skapa rými fyrir andlegan vöxt og losa um erfiðar tilfinningar sem hamla og/eða valda líkamlegum einkennum og andlegri vanlíðan.

Velkomin á síðuna mína. Eva Karen heiti ég og vinn í Guðs vitund með ljós Guðs í forgrunni.

Ég er til húsa í Reykjavík/Hafnarfirði en vinn einnig í gegnum síma/fjarfundi. Hægt er að bóka tíma hjá mér hvar sem þú ert á landinu. Ég vil stuðla að því að allir sem þurfi á aðstoð að halda fái hana óháð stöðu og því býð ég einnig upp á valfrjálsar greiðslur eftir samkomulagi.

          Kærleikskveðjur